Версия для слабовидящих
Обычная версия сайта
  Размер шрифта:   Цветовая схема:   Изображения:
| Главная | Карта сайта | Поиск | Регистрация | RSS-лента | О проекте |

Тот, кто хочет быть здоровым, отчасти уже выздоравливает. - Джованни Боккаччо

   
  Отзывы пациентов

Хотели бы Вы консультироваться с врачом через интернет?







Афанасьевсен çемьине - çĕнĕ çурт уççи (Источник: "Çĕнтерÿ çуле" от 09.12.17г)
Афанасьевсен çемьине - çĕнĕ çурт уççи (Источник: "Çĕнтерÿ çуле" от 09.12.17г)

      Ĕнерхи кун Кивçурт Енĕшри Афанасьевсен çемйишĕн савăнăçлă пулăмпа асра юлчĕ – вĕсене çĕнĕ çурт уççине чыслă самантра тыттарчĕç.

Татьяна Митрофановнапа Виталий Анатольевич пилĕк ача пăхса çитĕнтереççĕ. Çавна май пилĕк çул каялла вĕсем нумай ачаллă çемьесене çурт-йĕрпе тивĕçтерес федераллă программăна кĕнĕ.

Çурта кăçалхи августра çĕклеме тытăннă. Подрядчикĕ – Владимир Афанасьев уйрăм предприниматель. Ун строителĕсем тата ял çамрăкĕсем пулăшнипе икĕ хутлă пÿрт кĕске вăхăтра çĕкленсе ларнă. Халĕ унта пурăнма мĕнпур услови çителĕклĕ. Шыв кĕрет-тухать, ванна, туалет пÿртре. Урайсене ăшă тытмалла тунă. Пÿлĕмсем çутă, пысăк. Пÿрт илемлĕ вырăнта ларать: ун умне çитиех асфальт çул пырать, хирĕç клуб, юнашар ялăн панулми сачĕ.

– Çемьепе пĕрле савăнатпăр. Çĕнĕ пÿртре телей кăна курма сунатăп. Сирĕн ачасем хăвăр пекех çĕршывшăн тивĕçлĕ граждансем пулса тăрасса чĕререн шанатăп, – терĕ район администрацийĕн пуçлăхĕ Леонид Николаев Афанасьевсене çурт уççине тыттарнă май.

Леонид Григорьевич районта пилĕк е ытларах ачаллă тата вунçичĕ çемьене çурт туса памаллине пĕлтерчĕ. Уйкас Кипек тăрăхĕнче тата тепĕр çемьене.

Вăл çавăн пекех Раççей Президенчĕн Владимир Путинăн ачаллă çемьесене пулăшма йышăннă мерăсем пирки те асăнчĕ. Ку çул-йĕр ялта пурăнакансемшĕн уйрăмах пĕлтерĕшлине палăртрĕ.

– Нумай ачаллă çемьесене патшалăх енчен çапла пулăшнăшăн çĕршыв, республика, район, вырăнти поселени ертÿлĕхне чĕререн тав тăватпăр. Ачасем мĕн тери савăнчĕç, халех кунта пурăнма куçасшăн, хăйсем хăш пÿлĕмре пурăнассине те шутласа хунă, – терĕ савăнăçне пытармасăр Татьяна Митрофановна.

Хăй вăл Енĕшри фельдшерпа акушер пунктĕнче ĕçлет. Мăшăрĕ хуçалăх тытса пырать, çĕрпе ĕçлет. Аслă ывăлĕ çарта пулнă хыççăн Шупашкарта ĕçлет, тепĕр икĕ ывăлĕ  техникумсенче вĕренеççĕ. Тепĕр ывăлĕпе кĕçĕн хĕрĕ шкулта ăс пухаççĕ.


 Светлана ЧИКМЯКОВА.  


 


Дата публикации: 9 декабря 2017г.
 
Адрес: 429220, Чувашская Республика,Вурнарский район,п.Вурнары,ул.Жоржа Илюкина,д.15
Телефон/факс приемной: (835-37) 2-52-78 факс: (835-37) 2-66-92
Телефон регистратуры: (835-37) 2-52-82
Адрес электронной почты: vurnar-crb-priem@med.cap.ru

Copyright © 2009-2018 www.med.cap.ru - Медицинский портал Чувашской Республики.
Все права защищены. Использование материалов сайта разрешается при указании ссылки на ресурс.
Автор концепции: Н.И.Володина
Конструктор сайтов: ООО «Интернет-Сервис»
Координация: ГУЗ «МИАЦ» Минздрава Чувашской Республики
Яндекс.Метрика